InicioM.ambiente e PatrimonioAtopan restos óseos na cova do Rei Cintolo que fan pensar na...

Atopan restos óseos na cova do Rei Cintolo que fan pensar na presenza de oso pardo hai 9.000 anos

Ata o momento non se coñecía fauna na cavidade de máis de 7.500 anos, resalta unha investigación que vén de ser presentada

Publicada o

- Advertisement -

O director do proxecto de investigación “Rei Cintolo, Obxectivo 11.000”, o doutor Marcos Vaqueiro, acaba de presentar a memoria do traballo de investigación levado a cabo na cova ao longo deste ano, segundo concretou o Concello de Mondoñedo a través dun comunicado de prensa.

O traballo efectuado na cova no marco do citado proxecto ten por obxectivo principal elaborar un estudo topográfico e morfolóxico. Participan 37 espeleólogos galegos, de diferentes grupos, adscritos maioritariamente á Federación Galega de Espeleoloxía. Tamén se levaron a cabo traballos de monitorización da temperatura da cova nas súas zonas máis profundas. Ademais, estúdase a rede de drenaxe baixoterreña e efectuáronse análises das augas.

Segundo se indica na memoria, un dos feitos máis relevantes da campaña foi a localización de diversos restos óseos en diversas pasaxes e niveis da cavidade. Atopáronse vestixios animais a máis de 49 metros de profundidade e máis de 223 da actual entrada da cova. Os datos preliminares apuntan á presenza de oso pardo nos niveis máis altos da cova, hai uns 9.000 anos. Ata o momento non se coñecía fauna na cavidade de máis de 7.500 anos.

O Concello remarca que a súa “aposta” pola posta en valor da cova “vén de moi atrás e está garantida de cara ao futuro, porque constitúe un recurso arqueolóxico e turístico fundamental para atraer turismo ao municipio”. Así, destaca a iniciativas como a construción dunha pasarela de madeira respectuosa co medio ambiente para facilitar aos turistas o paso a este enclave, distinguido como Destino Turístico Científico, así como a firma dun convenio coa Federación galega de Espeleoloxía que permitiu mellorar o horario e unha maior flexibilidade de acceso á cova. A Federación Galega de Espeleoloxía propuxo a creación dun Espeleoparque na Mariña.

ÚLTIMAS

Erika Gomes Mendes: “Fixen un traballo para saber se os caboverdianos coñecían algo de Galicia antes de vir”

-Erika, cando chegaches a Burela desde o teu país? Cheguei a Burela en 2017 e...

‘A Sacabeira’ celebrará o Día de Rosalía o 25 de febreiro en Sargadelos

O vindeiro 25 de febreiro, no Café Bar Cultural A Sacabeira, a ACR Fervenza  de Sargadelos celebra...

Denuncian que o Hospital de Burela queda só cun cardiólogo

A CIG-Saúde da Mariña denuncia que o hospital queda cun só especialista en cardioloxía...

Trabada solicita unha subvención para as cubertas do CEIP Celso Currás

O Concello de Trabada solicitou unha subvención á Xunta de Galicia para a mellora...